في الفترة
الاخيرة اصبحت مواقع التواصل الاجتماعي جزء كبير من حياتنا اليومية, لانها
تعتبر وسيلة اساسية للتواصل مع اصدقائنا واقاربنا و زملائنا في العمل أو
حتى عموم الناس الذين نشاركهم افكارنا و ارائنا. بيستخدم البعض مواقع
التواصل بشكل عادي , أو أثناء العمل أو الإنتظارفي الزحام , لكن هنالك
اخرين مرتبطين بها بشكل مبالغ فيه , لا يتركوا هواتفهم و يتفقدوها دائما
إذا هناك Notification جديدة, أو تعليق جديد, أو Like. بحثنا في الموضوع
ووجدنا 8 علامات مؤشرة إلى إن الشخص يعاني من ادمان مواقع التواصل .
1- هو آخر حاجة تشوفها قبل ماتنام و أول حاجة تشوفها لما تصحى من النوم
لما تنطفي الأنوار و تدخل تنام هتلاقي ايدك لا
اراديا بتدور على تليفونك علشان تفتح تشوف facebook فيه جديد, أو في حد عمل
Favorite على التويتة الاخرانية , وتقعد تقلب في التايم لاين وممكن تبدأ
chat أو whatsapp conversationو تفضل ماسك الموبايل لحد ماتروح في النوم.
في بعد الحالات ممكن تحلم إنك كتبت statusمعينة, أو حد كتبلك كومنت على
حاجة, أو في conversationبحالها حصلت لكن في خيالك بس . و لما تصحى تاني
يوم تفاجأ إن مفيش حاجة من دي حصلت والموبايل نايم جمبك بيقولك "please,
plug the charger" . طبعا برده ما ننساش إنك ممكن تكون غيرت ترتيب اوضتك
علشان يبقى السرير جمبه فيشة علشان لما تحب تشحن التليفون قبل ماتنام .
نحب ننصحك إنك ترجع السرير مكانه أو أصلا تبعده عن الفيشة لمصلحتك أولا و اخيرا
2-بتعرف الناس بإسم ال facebook
الولد اللي معاكم في الدفعة اللي تعرف إن اسمه
"حمادة اتش" اسمه الحقيقي سامح أصلا. البنت اللي معاكي في قسم تاني في
الشغل بتشوفيها وتكلميها في الmeetings اللي تعرفيها على إنها "شيري" اسمها
شاهندة أصلا. أما طبعا عارف مديرك حمادة محمود حمادة اللي للاسف مش على
الفيسبوك , طلع موجود بس اسمه Hamada Monster
3- بتصور كل اكلك على Instagram
لو بقالك كتير مستنية اكلة سوشيعظيمة , أو خرجت
مع صحابك وعملتوا جريمة بيتزا كبيرة عليها اكسترا تشيز و بيبروني ماشي ,
ممكن نتفهم إنك بتستمتع بالاكل واللمة وهكذا . لكن مش من الطبيعي إن أي أكل
ييجي تحت ايدك تصوره وتحطه عالInstagram و #yummi , إلا لو كنت بتحاول
تنشر فكرة الاكل الصحي مثلا أو في مسابقة طبخ , لك فعلا احنا في غنى عن
صورة ساندوتش المربى على instagram
4- لو بتعرف كل الناس عن حالتك المزاجية في كل status
لو كان يوم حلو في الشغل , أو اتخانقت مع
صاحبتك,أو عيان, ممكن تكون زعلان علشان قطتك عيانة , أو تكوني مبسوطة جدا
علشان جبتي جزمة جديدة , أو زعلانين من حد , فإذا كنت بتمر باي من ما سبق ,
ارجوك ابعد تماما عن أي موقع من مواقع التواصل الاجتماعي أو أي حاجة ممكن
تكتب فيها status. لو زعلان اتكلم مع حد من صحابك, لو مبسوط اتبسط مع الناس
اللي أنت معاهم مش اللي هيعملوا لايك أو كومنت , و لو فعلا قطتك عيانة
وديها للدكتور .
5- لو بتعمل لايك على ال posts بتعتك و صورك
لا لا كده لأ, أنت محتاج تشوف حل
6- بتنعي كل الممثلين والمشاهير عندك على ال wall
#RIP MJ, #RIP Amy Whinehouse, خالد صالح#rip , #rip ذكي جمعة ,مين زكي جمعة ده؟
7- بتعمل Check In في كل مكان تروحه
لو بتلاقي نفسك عايز تعمل Check in في أي مكان ,
دي مش حاجة مطمئنة عامةً , مش لازم تعمل check-in في البنزينة , أو محطة
المترو أو الحلاق , التفسير الوحيد لكل ال Check-in s دي هو إنك تكون
بتعاني من فقدان ذاكرة متواصل فيمحتاج حاجة تفكرك أنت كنت فين وبتعمل إيه ,
أو إنك عليك مراقبة ..
8- بتستخدم مصطلحات الإنترنت في كلامك مع الناس
لو حد قال حاجة مضحكة بقيت
تقول LOL بدل ماتضحك , لو رحت مكان حلو, او شوفتي فستان حلو أو أي حاجة
جميلة بقيتوا تقولوا i like بدل "ده حلو قوي, جميل " او أي كلام معبر غير
Like
هل أنت مدمن Facebook: اعرف 8 علامات تدل على ادمانك لمواقع التواصل الاجتماعي
4/
5
Oleh
Unknown